Отышлы мөмкинлек

Районда 640 эшмәкәр исәпләнә, шуларның иң күпчелеге – 25 проценты – авыл хуҗалыгы буенча эшчәнлек алып бара. Шуларның берсе – «Илнур» крестьян-фермер хуҗалыгы нинди мәшәкатьләр белән яши соң бүген? КФХ башлыгы Язкәр Биҗанов белән әңгәмәбез шулар хакында.

– Язкәр Миңнуллович, Сез фермер хуҗалыгын 56 гектар җир белән башлап җибәргән идегез, бернин­ди техникагыз да юк иде әле. Хәзер хәлләрегез ни­чек?

– Фермер хуҗалыгын 1996 елда оештырып җибәргән идем, чыннан да ул чакта җир эшкәртү өчен бер техникам да юк иде. Эшләргә теләгән кешегә эш һәрвакыт табыла ул. Мин дә беренче вакыт­ларда җир эшкәртү, иген уңышын җыеп алу өчен техниканы башка фермер­лардан алып тора идем. Хәзерге вакытта 1000 гек­тар җирдә эш алып бара­быз.

– Үз эшчәнлегегездә хөкүмәт ярдәмнәренә еш таянучыларның берсе Сез.

– 2011 елда «Лизинг-грант» программасы бу­енча 1 млн 31 мең сум­лык грант отып, МТЗ-82.1 (КУНы да бар) тракто­рына ия булдык. Хәзер ике бөртекле ашлык ком­байны, өч трактор, бер «Агромастер» комплек­слы чәчү агрегаты һ.б. техникалар алдым. Рай­оныбыз эшмәкәрләренә дә киңәшем шул: дәүләт программаларында ак­тив катнашырга кирәк, эшчәнлегегезне үстерергә дәүләт тарафыннан саллы гына ярдәм бит бу. Мин моның өчен ре­спублика, шул исәптән район җитәкчелегенә дә, белгечләренә дә рәхмәтлемен, нинди программалар булуын аңлатып, кирәк чакта ярдәм кулы сузып тора­лар.

«Гаилә фермасы» про­граммасы буенча 2013 елда ферма ремонтлауга һәм сөтчелек юнәлешен үстерүгә 1,5 млн сум күләмендә дәүләт ярдәме алдык. Шушы суммага ферма ремонтлаудан тыш, рай-оныбыздагы «Заиковский» хуҗалыгын-нан 90 баш тана бозау-лар сатып алган идек, хәзерге көндә шулар бозау-лый башла­ды, 11 баш бозау бар.

Киләчәктә сөтүткәргеч көйләп, сыер саву ком­плексы урнаштырыр­га, сөтчелек тармагын үстерергә ниятлибез. Моның өчен көчтән килгән кадәр ташландык ферма­ларны ремонтлыйбыз. Бу максатларда да «Гаилә фермасы» программа­сында катнаштык, шуның нәтиҗәсендә 2013 елда фермага бетон юл салын­ды.

– Авылда кадрлар про­блемасы киеренке тора, бу хәлдән ничек чыга­сыз?

– Безнең фермада ун кеше эшли, хәзер сыер савучы бик кирәк. «За­иковский» хуҗалыгы үрнәгенә ияреп, эш белән тәэмин итү өстенә, эшкә килгән гаиләгә йорт та би­рер идек (әзер йорт бар). Шулай ук эшкә килгән белгечкә быел Дәвек авы­лында ТР авыл хуҗалыгы министрлыгының яшь кадрларга ярдәм програм­масы кысаларында йорт төзеп биреләчәк.

Бүгенге көндә фермер хуҗалыкларын борчый торган зур мәсьәләләрнең берсе – банклардан кре­дит алуның кыенлашуы. Менә шул вакытта Та­тарстан хөкүмәтенең эшмәкәрләргә ярдәм итү чаралары бик урын­лы. Татарстан лидеры Рөстәм Миңнеханов алга таба да кече һәм урта эшмәкәрлекне үстерүне күз уңында тотачагына ышанам.

“Татарстан Республи­касында кече һәм урта эшмәкәрлекне үстерү чаралары” – бу хакта ту­лырак мәгълүмат “Атна вакыйгалары”нда.

 сан

Узган 5 елда рай­оныбызда кече һәм урта эшмәкәрлек өлкәсендә эшләүче-ләр грантлар ниге-зендә 30 милли­он сумлык Татар­стан хөкүмәтенең ярдәмен алдылар. 2014 елда лизинг-грант программасы аша иң зур сумманы (3 миллион сум) су­гым цехы кору өчен Илгиз Загиев алды. 2015 елда Татарстан хөкүмәте тәкъдим итә торган мини займ алыр өчен до­кументлар җибәрде.