“Көчкә күтәреп өләшәбез”

12 июль – Россия почтасы хезмәткәрләре көне. Почта хезмәткәренең эше беренче карашка гына җиңел, гади күренә. Чынлыкта ул кешедән зур һөнәри осталык, түземлек, югары әхлакый сыйфатлар таләп итә.

Бәйрәм уңаеннан үз эшенең остасы булган берничә хезмәткәр белән аралаштык.

Гөлфирә Нуриева, Яңа Мәлкән почта бүлекчәсе на­чальнигы:

– Безнең почта бүлекчәсе Яңа Мәлкән, Иске Мәлкән, Дусай Кичү авылларын берләштерә, 700 дән артык кешегә хезмәт күрсәтәбез. Почтальоннар Аль­бина Фомина, Елена Газизова белән ярдәмләшеп эшлибез. Бүгенге көндә халыкны вакытлы матбугатка яздыру бераз авыр­лашты. Авыл халкы район газе­тасына языла, әмма элеккечә түгел, кайберәүләр компьютер­дан укыйбыз диләр. Бәйрәм уңаеннан хезмәттәшләремә сәламәтлек, гаилә бәхете те­лим, авырлыклар артта калыр дип ышанам.

Фәнүзә Габдуллина, Урыс почта бүлекчәсе начальнигы:

– Кәефләр күтәренке, гөр-ләтеп эшләп ятабыз. Халык матбугатка актив языла, сумка­бызны көчкә күтәреп өләшәбез. Урыс, Тулбай, Гөлек авылла­рында меңнән артык кешегә хезмәт күрсәтәбез. Теләк-тәкъдимнәргә килсәк, өлкән яшьтәгеләр район газетасында басыла торган намаз вакытла­рын соңармыйча бирүне сорый­лар. Газетаны интернетка алдан кую да газетага язылучылар са­нына тәэсир итми калмый диләр. Почта хезмәткәренең эше моның белән генә чикләнми. Әмма зарланмыйбыз, илләр ты­ныч, гаиләләребез имин булсын дигән теләктә калабыз.

Валентина Погорелова, Ни­колаевка почта бүлекчәсе по­чтальоны:

– Район газетасына яздыру планын арттырып үтәдем (60 – 62 данә). Гомуми планымны да үтәдем, шунысы сөендерә. 35 ел эшлим бу хезмәттә, төрле ва­кытларны күрдем, ләкин зарла­нырга яратмыйм. Шуны әйтәсем килә: ярый мин пенсия яшендә, ә хезмәттәшләремнең балалар үстерәсе бар.

Әлфинә ВОРОБЬЕВА